影片
更多
2021-08-28
121 浏览
听朋友讲话呢间餐厅可以试下，跟住预早2个星期经openrice 订抬星期5 夜晚8点 4位。 餐厅星期3 用英文Whatsapp我 confirm booking，我覆实后 然后问可唔好以比个corner静D位置我，但完全没有回应(预唔到唔紧要，应该要回覆)。 到星期5，大约19:50 朋友先到，佢地讲出booking detail 然后等位。我20:00到然后继续等，直到20:10有位男士出来话入面未埋单， 再到20:20再出嚟话埋紧单，正式入座大约20:30。个人嚟讲 订左位等10-15分钟可接受，超过左就唔系咁好，餐厅Reservation可以处理好D。开始点餐， 我地叫左 2份头盘，4碟主菜，1支啤酒。首先有位几好礼貌嘅Waitress送上餐前嘅面包同小食，面包热辣辣唔错几好食，其他食评有写有影相我就无谓再讲，不过碟牛油卖相比较差 （忘了影相）。迷你吞拿鱼挞就无咩特别，唔知佢应该系热定冻，我食个时系唔热唔冻。食完以上，头盘日式酱油渍溏心蛋多士送到。一睇好精致，卖相吸引，溏心蛋好味。呢个绝对可以试。为一有个拟问系我见其他openrice朋友影嘅相呢碟头盘系应该有橄榄油淋上，我个碟
开始点餐， 我地叫左 2份头盘，4碟主菜，1支啤酒。
首先有位几好礼貌嘅Waitress送上餐前嘅面包同小食，面包热辣辣唔错几好食，其他食评有写有影相我就无谓再讲，不过碟牛油卖相比较差 （忘了影相）。迷你吞拿鱼挞就无咩特别，唔知佢应该系热定冻，我食个时系唔热唔冻。
食完以上，头盘日式酱油渍溏心蛋多士送到。一睇好精致，卖相吸引，溏心蛋好味。呢个绝对可以试。为一有个拟问系我见其他openrice朋友影嘅相呢碟头盘系应该有橄榄油淋上，我个碟系无，唔知系咪卖哂呢? XD
食完头盘，发觉原来朋友叫嘅啤酒仲未到，问1问之下，应该漏左然后过2分钟就送到嚟。呢样餐厅又要留意喇， 同埋我唔系点饮酒但望落去点解会用呢类杯送啤酒嘅？有错请指教 Orz.
等左一阵，送上第1碟主菜 广岛蚝味增酱意大利饭，整体唔错几香，算做热，只蚝都煎得好好，饭嘅口感略嫌熟左少少，缺少左Risotto嘅特色。味道方面 有少少似蚝豉粥 可能因为D饭无左口感，但都算好浓蚝同味增味，系ok嘅。
食完第1碟后，再等左一阵，2碟 海胆酱手打意粉就嚟到。首先卖相系好吸引，颜色，摆盘都系靓嘅。之后开始食，入口后发觉意粉只系微暖，唔知系咪因为要挂住摆盘定楼面上唔切菜，呢样野对我嚟讲大打折扣。至于意粉食落系有咬口，酱汁亦挂到落去，味道都唔错，但可惜因为唔热嘅关系食到有少少腥味。 最后食到中途先醒起 唔系应该有一块海胆? 门口大大幅相同其他食评都好似有块海胆架?! 不过食左就无谓追究了。要嚟试嘅朋友要留意番喇。
到最后，蕃茄海鲜手打意粉送上。卖相吸引，味道好，阔条面有咬口有蛋香， 有几只好大嘅蚬，2只带子，茄味浓郁，比之前碟意粉热少少 (对我嚟讲就仲未够)。呢碟好食过上一碟。
整体嚟讲呢间餐厅同我个标题一样，有好有唔好，环境装修系靓，我座嘅位置都算舒服。见到其他2人抬就好似比较细D，我相信餐厅定位都系走中高档路线，可惜太多小问题令到唔上唔落。服务同食物如果细节位再做好D 细心D应该会更加受欢迎。不个对我嚟讲就只似一次了。
题外话/补充资料：
补充下，原先我系订4位，后来想加多一位，打电话去问餐厅话加唔到，我心谂唔紧要，但其实到我入座时旁边同埋其位置 系可以拍到 以3个+2个 隔开少少座埋一齐的，算我无嚟个位朋友好彩啦！ 哈哈
(以上食记乃用户个人意见 , 并不代表OpenRice之观点。)
张贴
