茶舍 (淘大商場2期)

营业中

休息中

门口出面有位坐同可以免费饮冻柠水，试左一啖，有糖架㖞，而且个水味好麻麻，好彩我系食完嘢出嚟先试下佢啖柠水，如果未入之前已经试左，我系唔会走入去。🤣🤣🤣🤣点左热茶走同黑松露蚝仔意大利饭。个茶走茶味同炼奶味配得岩岩好，不过个点app set得怪怪地，竟然俾人选多奶少奶多糖少糖，明明茶走个奶同糖系冇得额外分开嘅。🤣🤣 我谂唔会有人专登攞呢点嚟投诉挂?? 但以防万一，如果我系老板，我会尽快静鸡鸡改返好佢费事俾人话。🤓🤓个黑松露蚝仔饭都几好味，配得几夹，但唔知系咪但早入去食，我食剩左啲，同时遗忘左数下蚝仔多唔多。😞😞😞可能"舞"肺后遗症成日失忆真系救唔返。净系记得好好食，够饱，但唔记得个蚝有几多。但62蚊有饭有嘢饮嚟讲，我觉得好君真，好过某啲餐厅又要贵过佢，又要唔够饱又要唔系咁好食，谂起就伤心。最后总结，呢间餐厅系值得去食嘅，但个水有怪味呢点就唔知啦。有啲餐厅个水有怪味左成大半年先冇左，所以只能踫运气啦。