老長沙湘菜館 (已結業)

如果你系个大饭桶，或者对米饭有啲要求，或者已经食厌泰国香米，你可以嚟呢度试下佢地嘅东北米👍🏻。🍚东北米食落较湿，但绝对唔系厨师落多左水，而系米嘅质地系咁，湿润软糯，但又未至于珍珠米咁黏。佢有长米嘅香，珍珠米嘅黏，对于少食东北米嘅我几喜欢。是日午餐：🍚脆笋炒腊肉木桶饭 +手拍青瓜前菜腊肉嘅咸香一定要配饭，净食有啲咸。呢只脆笋无一般笋果阵「压」味，脆卜卜。饭真系太多，男士食都嫌多，真系大饭桶先食得晒。🍚小辣子鸡木桶饭+凉拌海带丝 而家天气好湿，要食番啲辣祛湿先🤭。叫左BB辣，辣子鸡好滑又多，啲汁捞饭一流，不过越食越辣，好在跟餐有罐可乐。⌚人多时要有啲耐心，因为即叫即整。🌟所谓粒粒皆辛苦，如果唔想浪费可以叫少饭，又者好似隔离枱熟客仔咁要个外卖盒打包，佢啲饭真心好食。❤️老板娘话东北米好贵，为左正宗口味，贵啲都要用东北米。🈹呢度午餐已经唔贵，学生仲有七折，可惜我唔系学生🙈🍚如果你真心劲大食，放心，呢度可以免费添饭🤣。