影片
更多
2021-09-17
508 浏览
Twinkle Baker Décor 越开越多分店，好多大型商场都有一间，成日行街都会见到display出黎嘅蛋糕个个都好精致，耐唔耐仲会有特别款式推出添呀。为左迎合中秋节，佢地最近仲推出左Gudetama「懒懒闲游太空」系列，分别有「梳乎到月球」6寸蛋榚，同埋「梳乎小行星」小蛋榚。由于好朋友今日生日，所以预先订左个6寸嘅「梳乎到月球」蛋榚同佢一齐庆祝。呢个蛋榚造型非常精致，以星空为主题，Gudetama坐上漆黑同深蓝交错嘅夜空造型飞船，赏月赏到上月球！ 蛋黄哥懒懒地训左系月球上，睇落非常之hea，以朱古力呈现嘅佢，望起黎极之可爱。月球部分呈暖黄色，系以吕宋芒慕丝蛋榚制成嘅，造得相当仔细，连月球表面嘅陨石坑都细致地刻划出黎。切开慕丝蛋榚后有好香甜嘅芒果肉，食落芒果味非常香浓，配埋烟烟韧韧嘅椰汁麻糬粒同埋海绵蛋榚，味道简直无得顶呀！底下系夜空造型飞船，以朱古力牛油蛋榚加上一层牛油忌廉整成，再系旁边加上彩色朱古力去代表星球，真系极有创意，用黎打卡，简直一流。至于包装方面，就连蛋糕盒都精美过人架，拎住佢返屋企途中真系引黎途人望过黎架，不过蛋榚盒体积都相当大，记住订蛋榚前要清下雪柜，预留足够
为左迎合中秋节，佢地最近仲推出左Gudetama「懒懒闲游太空」系列，分别有「梳乎到月球」6寸蛋榚，同埋「梳乎小行星」小蛋榚。
由于好朋友今日生日，所以预先订左个6寸嘅「梳乎到月球」蛋榚同佢一齐庆祝。
呢个蛋榚造型非常精致，以星空为主题，Gudetama坐上漆黑同深蓝交错嘅夜空造型飞船，赏月赏到上月球！ 蛋黄哥懒懒地训左系月球上，睇落非常之hea，以朱古力呈现嘅佢，望起黎极之可爱。月球部分呈暖黄色，系以吕宋芒慕丝蛋榚制成嘅，造得相当仔细，连月球表面嘅陨石坑都细致地刻划出黎。
切开慕丝蛋榚后有好香甜嘅芒果肉，食落芒果味非常香浓，配埋烟烟韧韧嘅椰汁麻糬粒同埋海绵蛋榚，味道简直无得顶呀！
底下系夜空造型飞船，以朱古力牛油蛋榚加上一层牛油忌廉整成，再系旁边加上彩色朱古力去代表星球，真系极有创意，用黎打卡，简直一流。
至于包装方面，就连蛋糕盒都精美过人架，拎住佢返屋企途中真系引黎途人望过黎架，不过蛋榚盒体积都相当大，记住订蛋榚前要清下雪柜，预留足够嘅空间呀。
张贴
