影片
更多
2018-01-21
5941 浏览
常言道，女朋友嬲嬲猪既时候，要做D咩先可以令佢平息怒火呢?冇错，就系带佢去食好西!其实拥有一个吃货女朋友的确系男朋友既福气，容易氹又易相处，食一餐好西就乜都忘记晒!好好彩既系，赖生既屈小姐都系一位名符其实既吃货女朋友，肚饿既时候会容易发脾气，所以赖生每次同佢出街第一件事都系谂好食乜先，今次赖生搞到屈小姐嬲嬲猪，当然要带佢去食好西补飞啦~~~!! 赖生第一时间接左屈小姐放工之后，就接左佢放工，一路陪佢行，一路倾，一路引佢堕入赖生预先设计好既陷阱 - 好西计!! 赖生成功引领左屈小姐黎到上环既生记粥品专家前面，拉左佢入去食粥!!当然，一个人既计谋都要配合天时地利人和，正正系一踏入去果一刻，有1张宽阔而身边冇乜人既4人座，而楼面个伯伯侍应又比赖生同屈小姐坐果枱，等屈小姐可以边食好西，边等赖生安慰佢!!横扫左一下Menu之后，赖生即时Order左3样可以令屈小姐心软既野食 - 就系鲜牛肉、鱼同菜!!!等野食可以第一时间上枱尽快帮助赖生打开屈小姐既心结!冇错，就系2碗粥同1碟菜，融化左屈小姐既胃同个心，开开心心咁同赖生继续一齐食好西!屈小姐之选1) 鱼球鲜牛粥:5⭐️生记其实最出名既系鲮鱼肉，所以
好好彩既系，赖生既屈小姐都系一位名符其实既吃货女朋友，肚饿既时候会容易发脾气，所以赖生每次同佢出街第一件事都系谂好食乜先，今次赖生搞到屈小姐嬲嬲猪，当然要带佢去食好西补飞啦~~~!! 赖生第一时间接左屈小姐放工之后，就接左佢放工，一路陪佢行，一路倾，一路引佢堕入赖生预先设计好既陷阱 - 好西计!! 赖生成功引领左屈小姐黎到上环既生记粥品专家前面，拉左佢入去食粥!!
当然，一个人既计谋都要配合天时地利人和，正正系一踏入去果一刻，有1张宽阔而身边冇乜人既4人座，而楼面个伯伯侍应又比赖生同屈小姐坐果枱，等屈小姐可以边食好西，边等赖生安慰佢!!
横扫左一下Menu之后，赖生即时Order左3样可以令屈小姐心软既野食 - 就系鲜牛肉、鱼同菜!!!等野食可以第一时间上枱尽快帮助赖生打开屈小姐既心结!
鲜牛肉鱼丸粥、鱼腩粥、菜
$112
167 浏览
1 赞好
0 留言
冇错，就系2碗粥同1碟菜，融化左屈小姐既胃同个心，开开心心咁同赖生继续一齐食好西!
鱼球鲜牛粥
$50
166 浏览
1 赞好
0 留言
屈小姐之选
1) 鱼球鲜牛粥:5⭐️
生记其实最出名既系鲮鱼肉，所以赖生即时帮屈小姐叫左鱼球，呢度既鱼球弹牙滑溜，鱼味鲜明，好可能系赖生系香港食过最好味既鲮鱼球，仲可以点埋姜葱豉油一齐食，试问一粒咁好味同弹牙巴既鲮鱼球点会唔可以打动吃货女友屈小姐既内心呢?
加上赖生深知道赖小姐钟意食牛肉，帮佢双并叫埋鲜牛肉，除左补血对佢身体好之外，呢度既鲜牛肉极其嫩滑，牛味浓，食到屈小姐笑颜逐开，鱼球加埋鲜牛既双重打击，令屈小姐既内心几近融化!
配合埋生记厨师既老练生滚大法，将牛肉既鲜牛味同鱼球既鱼球逼入粥底之中，令粥底满足浓鲜既滋味，成功博得吃货美女既一笑
鱼腩粥
$45
187 浏览
0 赞好
0 留言
赖生之选:
2) 鱼腩粥 : 5⭐️
赖生既杀手锏何止一碗鱼球鲜牛粥呢?? 攻势当然一浪接一浪，系寒冷既天气带个吃货女友食碗热粥，已经系一位暖男既表现(自High中)，仲要将自己碗粥变成吃货女友心目中都想食既一碗粥，又点可能氹唔番屈小姐呢? 赖生准备左屈小姐好钟意食既鱼，仲要系鱼腩，生记明显系用上新鲜货，完全冇草味同腥味，加上厚切，啖啖肉得黎鱼味爆橙，赖生夹比屈小姐之前仲起埋条大骨，啖啖肉，等屈小姐可以好好享受鲜鱼腩既滋味，令屈小姐一食连同心入面条刺一并起埋，不得不赞叹赖生既策略系咁几成功!!(再度自high中)
不过，呢一场咁出色既好西计都要归功于生记既绵密生滚粥底，滚一滚既鱼味渗进绵密粥底入面，每啖都令口腔足满鱼鲜味，吃货女友屈小姐又点会唔满意呢??
菜
$17
122 浏览
0 赞好
0 留言
3) 油菜全走: 4⭐️
决胜负既时候到啦，当然唔少得屈小姐最爱既菜啦，乜油都走啦，清甜健康，为吃货女友健康同幸福著想，完胜!!
总结:
今次既总结系....有个吃货女友真系要一个福气 (哈哈哈....以下先系真既)
生记既粥品果然不可睇小，绵密既粥底，新鲜既用料，老练既生滚技术，难怪可以系上环一直屹立不倒，系粥界既地位稳于泰山，客似云来啦!! 天气一转冻又想食暖野，呢个绝对值得推荐!!
#其实只要有妳就满足了
#能够宠你是我的荣幸
#谢谢你一直的等待和体谅
#拥有吃货女朋友的幸福
#中计啦妳
#美人难过好西关
张贴
