影片
更多
2018-11-29
64 浏览
一间有特别主题嘅西餐厅通常会令人先入为主，总觉得重点放咗系装饰多于食物本身，不过今晚食呢间就令我改观。餐厅布置到探险寻宝feel咁样，未入门口就已经见到一堆变装道具。入到去反而觉得似一间高级有格调嘅西餐厅，放晒蜡烛，又有划分酒吧位置，可以斋饮酒都得，气氛不错～设计到好似寻宝地图嘅menu，食物种类唔算多，不过都足以令我选择困难。即刻问店员有咩推介，然后就嗌晒招牌菜就实冇死！茴香焗海虾沙律 $98虾有一阵特别嘅香气，我谂就系茴香，沙律伴酸橄榄呢个配搭好开胃～马赛渔夫汤 $138系一种传统嘅海鲜汤，用大量海鲜去煲，个汤饮落好鲜甜，集合各种海鲜嘅精华，汤料有蚬、青口、鱼肉、虾同蔬菜，好丰盛！法国黄鸡胸 $198黄鸡胸用咗慢煮嘅方法去处理，可以煮出更鲜嫩嘅鸡胸。肉质冇我想像中咁嫩，始终鸡胸呢个部位系好难煮到好似鸡脾咁嫩，但已经一般鸡胸好食，不过不失。反而我觉得配菜好有心思，系薯蓉配一种我都未食过嘅瓜，口感脆脆地有啲似萝卜，我几钟意～西班牙羊颈肉拼法国羊肉肠 $278朋友系劲钟意食羊，而呢个羊颈肉同羊肉肠佢大赞～一切开可以见到系五成熟左右，非常之juicy而且肉嫩不过我更爱羊肉肠嘅肉香，带点腊肉
餐厅布置到探险寻宝feel咁样，未入门口就已经见到一堆变装道具。
入到去反而觉得似一间高级有格调嘅西餐厅，放晒蜡烛，又有划分酒吧位置，可以斋饮酒都得，气氛不错～
设计到好似寻宝地图嘅menu，食物种类唔算多，不过都足以令我选择困难。即刻问店员有咩推介，然后就嗌晒招牌菜就实冇死！
茴香焗海虾沙律 $98
虾有一阵特别嘅香气，我谂就系茴香，沙律伴酸橄榄呢个配搭好开胃～
马赛渔夫汤 $138
系一种传统嘅海鲜汤，用大量海鲜去煲，个汤饮落好鲜甜，集合各种海鲜嘅精华，汤料有蚬、青口、鱼肉、虾同蔬菜，好丰盛！
法国黄鸡胸 $198
黄鸡胸用咗慢煮嘅方法去处理，可以煮出更鲜嫩嘅鸡胸。
肉质冇我想像中咁嫩，始终鸡胸呢个部位系好难煮到好似鸡脾咁嫩，但已经一般鸡胸好食，不过不失。反而我觉得配菜好有心思，系薯蓉配一种我都未食过嘅瓜，口感脆脆地有啲似萝卜，我几钟意～
西班牙羊颈肉拼法国羊肉肠 $278
朋友系劲钟意食羊，而呢个羊颈肉同羊肉肠佢大赞～
一切开可以见到系五成熟左右，非常之juicy而且肉嫩
不过我更爱羊肉肠嘅肉香，带点腊肉嘅甘香，越嚼越有味～
整体黎讲，菜式无论系色香味都可见心思，而且份量十足，环境更加系冇得弹，实在系唔错嘅西餐之选！
张贴
