The Chop House (已結業)

餐廳位於尖沙咀美麗華3樓，環境舒服地方又寬敞，食物同酒類都好多選擇，除咗室內仲可以選擇坐室外，室外嘅地方好大，枱與枱之間亦有一定嘅距離，大家可以好Chill咁樣飲返杯酒食吓小食都得，連落雨都唔洗擔心，因為有啲位置有帳篷，值得推介🔝Beef Nachos $135飲Cocktail點可以唔叫小食呢，呢個Nachos份量超級多，啱啱焗起一上枱熱辣辣，面頭滿滿嘅芝士，另外仲有小小嘅牛肉碎同生菜絲，配埋三式醬，惹味豐富又滿足😋🔝New York Cheesecake $75呢個蛋糕味道還好，但係質感非常差，用叉一吉落去就散晒，面頭會有少少檸檬醬同士多啤梨醬陪襯。-Tiramisu Martini $65/Happy Hour用咗Frangelico,Baileys同Vodka調配而成，最後再灑可可粉，鍾意飲甜嘅可以試吓。-Chocolate Martini $65/Happy Hour其實同Tiramisu Martini味道好似，呢款用咗Baileys, Godiva Liquer同Vanilla Vodka調配而成，味道會再creamy啲。