吔咩嗲 吔嘢事無所

营业中

休息中

圣诞前夕同同事行远少少揾好嘢食✌🏻见呢间新开又几吸引，系一汁几菜嘅和式定食，仲有出色嘅甜品同三文治选择，种类都算多，可以睇返张menu👍🏻 我哋叫咗两个餐，分别都系两款热菜+一款冷菜，包餐汤同一杯指定饮品，免加一🌱热菜：秘制masala 鸡+ 紫薯炸饺子 冷菜：金平牛蒡饮品：热黑豆麦茶🌱热菜：安格斯牛栉瓜卷配自制洋葱苹果酱 + 鹿儿岛吉列黑豚肉饼冷菜： 南瓜沙律配坚果饮品：热黑豆麦茶Masala 鸡微辣，送饭一流！安格斯牛栉瓜卷可以解腻，因为个苹果酱带有少少酸甜，味道几特别！整体嚟讲，样样嘢都唔错，而小妹最欣赏系佢嘅紫薯炸饺子，外层炸到硬脆而紫薯蓉整到好滑溜之余，味道系非常甜☺️ 睇得出每一道菜都经过店主同店员嘅精心设计同烹调👍🏻不但营养均衡，富有色彩，而且满足味蕾💯 👉🏻温馨提示：店铺唔算大，当日食晏时段都差唔多坐满晒。