韓國媽媽 (已搬遷) 新店位置

唔黎开都唔知原来大角咀咁多野食，今日黎左韩国妈妈到食午餐，主打无味精，食得安心！行过见到呢个餐牌，午餐四十八，价钱合理吖。一大堆唔同款嘅凉菜，自家制。睇左两睇，就决定入黎食，店很小，只能单行，可以拣坐bar枱，或门口里唯一一张方枱。枱上有麦茶提供，微温，好香好饮。午餐可拣两样小菜，我拣左辣萝卜，大荳芽，家姐拣左泡菜，甜薯仔。辣大荳芽菜，爽脆得黎粒豆又唔会过硬，少少辣，好味。辣萝卜，辣得黎带少少酸，萝卜比较老身。泡菜，必叫！！真系好好味，同街卖樽装啲好食十陪！！甜薯仔，仲以为会似蕃薯，但唔系，薯仔嘅口感带少少甜，食左咁多辣野食返啲甜唔错。我拣左辣猪肉饭，猪肉肥美唔算太辣，但个汁就几辣下，搞到底部吸左大量辣汁嘅饭真系食唔到，自己本身又唔系太食得辣嘅，虽然系咁，但个辣得黎好好味，下次都系会叫番呢样。家姐叫左炸鸡饭，哈哈，黎食韩国野点可以无炸鸡！鸡即叫即炸，仲要出到黎无油，好犀利呀！少少黑椒调味，再点啲韩式辣酱，咁样食一流呀！餐饮要左忌廉奶，一向都觉得呢只野好好饮。原来有晚餐餐牌，啲款好似一样㖞，英文版menu哈哈~老板好热情，员工又有礼貌，好温馨，真系有妈妈嘅感觉呀。