影片
更多
2017-03-15
389 浏览
放工黎左食饺子，晚饭时段都几多人，等左一阵有位，原来店内很大，内边仲有一个房间有几张长枱。坐低睇下餐牌，劲多款饺子云吞，有好几样野都想食，一口气叫哂佢先。落完单，店员见我地生面口，解释下佢地啲自家出品，枱上两种辣酱都系自家制嘅，一种食云吞用，一种食饺子用，两种都很香，唔算好辣，贪心地落了很多。枱上仲有呢个腌萝卜任食，同样系自家制，店员话用糖同白醋浸嘅，无添加，而加好少有㗎啦，钟意食仲有得卖走添试几粒先，好爽口好开胃，坚酸，食多几粒后又觉得无咁酸嘞，仲几好味㖞。黄金原味皮蛋（＄25）点解有黄色皮蛋嘅？黄色又几得意㖞，但好似同普通皮蛋味道上无乜分别，最正系个辣椒油，捞住皮蛋食劲惹味。至尊松茸猪肉饺（＄65）见餐牌上写话系养生饺子黎，咁少见一于试下呢个招牌货，唔点任何酱料食下佢嘅原味先，真系有菌味嘅清香，馅料很juicy，好味！不过65蚊八只有点少贵，好彩佢有个状元汤送，感觉抵返芫荽猪肉饺（＄38）馅料猪肉多过芫荽，个人觉得可以再重啲芫荽味，啖啖肉几正。松茸腐皮卷（＄30）再叫埋呢样招牌野，呢个菌味更浓郁，咬落去全部都系菇好正香煎软心芝士饺（＄48）芝士控要叫了！入面啲芝士馅做到拉丝效果，一
坐低睇下餐牌，劲多款饺子云吞，有好几样野都想食，一口气叫哂佢先。落完单，店员见我地生面口，解释下佢地啲自家出品，枱上两种辣酱都系自家制嘅，一种食云吞用，一种食饺子用，两种都很香，唔算好辣，贪心地落了很多。
枱上仲有呢个腌萝卜任食，同样系自家制，店员话用糖同白醋浸嘅，无添加，而加好少有㗎啦，钟意食仲有得卖走添
试几粒先，好爽口好开胃，坚酸，食多几粒后又觉得无咁酸嘞，仲几好味㖞。
黄金原味皮蛋（＄25）点解有黄色皮蛋嘅？黄色又几得意㖞，但好似同普通皮蛋味道上无乜分别，最正系个辣椒油，捞住皮蛋食劲惹味。
至尊松茸猪肉饺（＄65）见餐牌上写话系养生饺子黎，咁少见一于试下呢个招牌货，唔点任何酱料食下佢嘅原味先，真系有菌味嘅清香，馅料很juicy，好味！不过65蚊八只有点少贵，好彩佢有个状元汤送，感觉抵返
芫荽猪肉饺（＄38）馅料猪肉多过芫荽，个人觉得可以再重啲芫荽味，啖啖肉几正。
松茸腐皮卷（＄30）再叫埋呢样招牌野，呢个菌味更浓郁，咬落去全部都系菇好正
香煎软心芝士饺（＄48）芝士控要叫了！入面啲芝士馅做到拉丝效果，一定要衬热食，软绵绵芝士馅加上煎得香脆的外皮太正了
中山金咤蒸饺子（＄35）个样好似老鼠仔一笼三只肥嘟嘟。
馅料系浓浓的南乳同猪肉粒，超热劲烫嘴，小心食呀～
状元九鼎汤叫松茸饺有汤送，热辣辣无味精的汤水，清甜好饮，好有家的味道。
叫得太多好饱，暖笠笠大满足
张贴
