千里屋食堂 (已結業)

今日约左好兄弟食晚饭，佢就黎结婚要派帖💣知佢超级钟意食牛，简直系无牛不欢既牛魔王。早前睇杂志介绍依间大阪过江龙「千里屋食堂」牛肉店, 价钱相宜就品尝到空运高质素既靓牛😍。 之前朋友食过都赞好，咁一于黎试下先😚。-餐厅地点方便，位于铜锣湾闹市；装潢简约, 墙壁贴上一些poster ；当晚播著轻松节奏既日文歌曲，有种relax 既感觉。当晚平日都颇Full 喔，好几围台都系日本人呢。职员都系日本人，我同朋友好似置身系日本🇯🇵咁。-餐牌选择都多，有和牛牛肉丼、铁板、涮涮锅等等。心大心细，我地最后拣左两个Set-⭐️和牛铁板 三种牛扒分别系牛五花肉、牛肩肉、牛里脊肉牛肉以铁板烧至半熟，肉质色泽带点粉嫩，卖相吸引。铁板上既牛香气诱人。可以试哂三款唔同既牛的确吸引。牛五花肉（即牛胸腹肉）肉甜味美，肉质较坚韧富弹性-牛肩肉油脂分布平均，肉质软腍松化，带微微韧劲，味道愈嚼愈浓-牛里脊肉脂肪含量低、肉味浓郁，烟韧带爽里脊肉厚薄适中，每块都充满咬口-⭐️黑安格斯牛肉寿喜烧套餐 ➡️牛肩胛肉、蔬菜、前菜x2、渍物、白饭、味噌汤、生鸡蛋-好喜欢寿喜烧既汤底，由酱油、糖与味醂等混合的汤汁煮制。味道较为甘甜，伴饭一流。