煮打菜打冷小菜館 (已結業)

午餐时间经常嚟「煮打菜」用膳，因为碟头饭劲大碟，自己KO一碟劲满足，又或者一班同事叫几个小菜食，是另外一种大满足，每次必叫肉饼，因为肉质弹牙又爽口，令人回味无穷。碰巧今晚无饭食，拉埋同事陪我食埋个晚饭先走，准时六点放工去食，保证唔洗等位，仲可以坐到卡位。两个人叫咗三个小菜，分别是「蜜椒吊烧骨」、 「糯米酿鸡翼」及「蟹肉扒西兰花」。「蜜椒吊烧骨」劲惹味，排骨的肉肥瘦相间，有少少黑椒味，面层炸到有少少脆，再淋上蜜糖汁，做到有少少焦化的口感，很有惊喜。而「糯米酿鸡翼」的糯米饭有少少辣，似系泰式的风味。因为本身已经好够味，完全唔洗「点」 附送嘅泰式辣酱。食完两个相对浓味嘅小菜，最后食埋个清清地嘅「蟹肉扒西兰花」，蟹肉份量十分多，生粉芡唔会太重口，如果可以加番少少颜色配搭，视觉上会更好看。