小松鼠 (怡豐花園) (已結業)

一间好出色嘅元朗西式餐厅 每次去都好多人排紧队 但唔知系咪因为太多人食嘅关系 啲嘢食质素有啲下降咗 价钱都好似加咗 冇以前CP值咁高TT 《香蒜辣椒蚬肉烟肉意粉》 依款意粉真系每次必叫 我个人都encore咗几次 蚬肉同烟肉嘅份量每次都好足 不过今次食就有少少干身得济 辣味依然系到 但太干 多返啲汁会好好多！ . 《西西里辣肉肠螺丝粉》 依款意粉好挂到汁 而佢个西西里蕃茄汁都好浓好香 食落酸酸甜甜都好唔错啊！ 佢仲要配超大量嘅辣肉肠 啱晒我依啲食肉兽啊！ . 《吉列炸鱼柳及黑豚猪肉肠》 不过不失啦 吉列炸鱼柳都脆口 但份量有啲太少啦 黑豚猪肉肠都系不过不失 冇咩特别