森美餐廳

营业中

休息中

有时揸车经过都会见到，听人讲都好似话已经䇄立左半个世纪，今日终于有机会去试一试。见到门面都觉得好似系普通地道扒房嘅感觉。入到去可以话有少少古色古香嘅味道，就咁望落去都见到系有一啲经历嘅地方。望到门口一入去右手边嘅一幅墙，全部都贴晒啲明星嘅合照，相信呢一间餐厅都曾经叱咤一时。黑椒汁肉眼扒 $95 跟薯菜唔讨论餐厅嘅用具，一见到呢一份肉眼扒，已经见到有好多筋，然后薯菜上面竟然见到白烚节瓜，真系有少少技惊四座同大开眼界。呢一个系跟餐嘅罗宋汤，见到嘅时候佢嘅颜色的而且确令到我有少少却步，黑色既罗宋汤，感觉就真系唔系几好，但系饮落去味道就完全冇问题，虽然说不上话好好饮。整体来讲，今次都系一个体验同埋系食一食个味道，旧有嘅装修望落去有少少恐怖嘅感觉，讲真坐得就唔系几舒服，相信都唔会有下一次。