影片
更多
2010-08-13
85 浏览
见到openrice介绍，所以谂住带屋企人黎试下，点知系冇得订位。 因为老人家排队比较辛苦，所以我地就择日早少少黎过。当晚我地19:25到，人齐先比位，20:45交枱，不过当我地20:30还枱时门口系冇人等位既...环境：装修简洁光猛。走廊同坐位就好狭窄，枱櫈好细张，我地身材有返咁上下既人真系坐得唔系好舒服。妈妈连手袋都冇位挤。其实张枱连我地叫既食物都唔够位放。服务：1) 人手不足，我地等左成十分钟，训完举手先有人帮我地落单，重要一个推一个好似唔想做咁。2) 笑容欠奉，态度非常麻麻，同母餐厅＂利苑酒家＂真系差天共地。卫生：1) 食得出好多食物系预先做好，上枱前叮返热比客人食。虽然唔知预制既食物系点放置，不过心理上已经觉得唔卫生。如果黎餐厅都要食返叮过既食物，我不如买返屋企食算数啦。2) 执枱时会喺客人面前张食物倒黎倒去... 唔知重以为自己去左茶餐厅添 3) 好奇怪：有湿巾冇干巾。味道：冇错，上食物既速度好快，不过唔够新鲜热辣 豆浆：$12；够涷够甜，爸爸话正。 清心圆肉雪梨茶：$14；好多料，食哂会好饱；味道唔够甜而且带苦，唔啱我。 鸡丝粉皮：$42；虽然食评们都话唔系咁得，不过个人
环境：装修简洁光猛。走廊同坐位就好狭窄，枱櫈好细张，我地身材有返咁上下既人真系坐得唔系好舒服。妈妈连手袋都冇位挤。其实张枱连我地叫既食物都唔够位放。
服务：
1) 人手不足，我地等左成十分钟，训完举手先有人帮我地落单，重要一个推一个好似唔想做咁。
2) 笑容欠奉，态度非常麻麻，同母餐厅＂利苑酒家＂真系差天共地。
卫生：
1) 食得出好多食物系预先做好，上枱前叮返热比客人食。虽然唔知预制既食物系点放置，不过心理上已经觉得唔卫生。如果黎餐厅都要食返叮过既食物，我不如买返屋企食算数啦。
2) 执枱时会喺客人面前张食物倒黎倒去... 唔知重以为自己去左茶餐厅添
3) 好奇怪：有湿巾冇干巾。
味道：冇错，上食物既速度好快，不过唔够新鲜热辣
豆浆：$12；够涷够甜，爸爸话正。
清心圆肉雪梨茶：$14；好多料，食哂会好饱；味道唔够甜而且带苦，唔啱我。
鸡丝粉皮：$42；虽然食评们都话唔系咁得，不过个人本身好钟意依味𩠌，所以好想自己亲自试下。 希望唔系好大，失望系预左既：鸡丝同粉皮都好干，所以连酱入口时觉得特别黐口。粉皮口感较靱，鸡丝就好嚡。唔点。
香芧烤猪仔腿骨：$98；一款openrice同食评们推介既食物，19:30落单居然已经卖哂，重要冇得预订，真系好唔开心。
梨山酱汁骨煲：$68；失败之作！用煲上原意就系想保存煲煮既热度，不过连个煲都唔辣手，咁你话个煲入面既食物温度点呢?! 唔够热之余个骨重有阵雪味，同行既人都觉得煲骨系一早整好，客人叫左先整返热既，非常之唔专业。讲真食落d骨好似系喺个镬到煮完先放喺个煲到咁，而唔系一个煲煮既𩠌，又冇镬气又冇煲气。个汁太甜同太杰，最唔好就系食倒浆粉粒。
冰烧三层肉：$68；细细粒，易入口，皮脆肉嫩好对板。如果可以再热少少就perfect 啦。虽然有层肥膏，但系食落完全唔油腻，好精彩。必吃推介一！
小笼包：$26；新鲜热辣，皮薄馅靓，肉既份量适中又够汤，味道又好，完全唔肥腻，冇得弹！必吃推介二！
嫩鸡煨面：$42；卖相唔得；汤虽然多，但太稀，不过个味道好正，冇味精味之余重好有鸡味，非常意外。鸡肉好碎，食唔出嫩唔嫩，选用既面系米线，做得唔够啉，感觉似系一碗鸡肉碎米线多过系一碗嫩鸡煨面。
菜肉云吞汤：个汤底应该同嫩鸡煨面一样，真材实料。菜肉云吞个馅好似有菇（唔敢肯定），口感同平时食开既菜肉云吞唔同，好爽口好鲜甜，赞。推介三。
萝卜糕：$18；爸爸好满意，煎得够热，皮够脆，料既份量啱啱好唔会太多或太少，味道都唔错。
红烧狮子头：$58；有阵强烈既咸鱼味，又够热，老人家好啱。本身好松，肉质嫩，加左马蹄所以好爽口。推介四。
正宗海南鸡饭：$58；一d 都唔正宗，超唔点；卖相唔得，鸡肉ok啦，不过d汁出哂事：姜蓉好干，唔够味；辣酱变左做甜酸酱；甜豉油变左做生抽。建议餐牌上取消依道𩠌。
杨枝甘露：$12；用料新鲜份量十足，甜而唔酸，正！价钱合理，必吃推介五。
招牌枣皇糕：$24；热热地，不过有少少硬，烟烟靱靱，同行既人话ok啦。
张贴
