名門讌客

营业中

休息中

第一次来名门䜩客饮茶，茶楼好大，金光闪闪，大电视荧幕可能因破裂关系贴咗两块胶纸，咁啱播紧新闻，胶纸正正坐落喺主播面上，好搞笑。😂😂4个人，点咗出名嘅虾饺皇和两个套餐，味道大致上OK，都有少少惊喜。名门虾饺皇（$30.8）阿姐极力推荐虾饺皇，真系唔错㖞，皮薄馅靓，大大粒，多肉又多汁。粉面孖宝套餐（$138）套餐包1个粉面饭和3个点心，我哋点咗肉丝炒面、鸭脚扎、香煎萝卜糕和煎酿茄子。肉丝炒面：面比较幼，炸得香脆，但味道较淡，加醋食好味啲。煎酿茄子：有惊喜，茄子系蒸的，唔油腻，酿虾滑好厚身，好味！大煲饭餐（$58.8）套餐系凤爪排骨饭加一碟生菜。凤爪排骨饭：见到用瓦煲上，以为会香口惹味有饭焦，但有期望就有失望，饭又淋又湿，完全冇饭焦，有凤爪排骨味，但食唔到豆豉味，应该系豆豉全粒煮，冇搅碎，出唔到味。