影片
更多
2023-08-28
899 浏览
我哋本身约一堆朋友大约6-8人，之前揾过好几间餐厅都难book位，有啲想试嘅都冇大枱，咁啱望到呢间环境好似唔错又任坐，又可以book到多人我哋就book咗呢间餐厅。一入去店员安排咗张长枱我哋坐，位置都OK，但后来啲食物到咗后发觉原来张枱都几细下🥲，我哋已经分开几次叫，但啲食物都系唔太够位放，不过可能因为舖面细嘅关系吧。一开始我哋有叫pizza、鸡翼、饭同意粉，再叫set for two，set for two系意料之外多嘢食，另外水牛城鸡翼比明太子鸡翼好食一啲，洋葱圈唔系粗身𠮶种所以就失色啲，pizza偏向港式一点。因为有啲朋友又未咁早到，我哋都分开咗几次叫，跟住我哋望到menu有啲唔明，都请问返店员，但店员就有点唔耐烦咁😓。跟住我哋每食完一碟嘢，佢哋都会好快手咁收，直头好似抢住嚟收咁，不过呢个都唔紧要，但佢哋连上面个公叉公匙羹都收埋，搞到我哋唔好意又问返佢哋拎过新🥲。到8点几，我哋仲想叫多一样食物同啲甜品，咁个女店员就催我哋快啲叫埋，因为佢哋last order，咁好啦...我哋叫咗一个主菜加5个甜品，指位话佢知系呢5款甜品，但佢自己把口就话「系呢4个甜品吖嘛？」🤨，咁我哋再提多次「
一入去店员安排咗张长枱我哋坐，位置都OK，但后来啲食物到咗后发觉原来张枱都几细下🥲，我哋已经分开几次叫，但啲食物都系唔太够位放，不过可能因为舖面细嘅关系吧。一开始我哋有叫pizza、鸡翼、饭同意粉，再叫set for two，set for two系意料之外多嘢食，另外水牛城鸡翼比明太子鸡翼好食一啲，洋葱圈唔系粗身𠮶种所以就失色啲，pizza偏向港式一点。
因为有啲朋友又未咁早到，我哋都分开咗几次叫，跟住我哋望到menu有啲唔明，都请问返店员，但店员就有点唔耐烦咁😓。跟住我哋每食完一碟嘢，佢哋都会好快手咁收，直头好似抢住嚟收咁，不过呢个都唔紧要，但佢哋连上面个公叉公匙羹都收埋，搞到我哋唔好意又问返佢哋拎过新🥲。
到8点几，我哋仲想叫多一样食物同啲甜品，咁个女店员就催我哋快啲叫埋，因为佢哋last order，咁好啦...我哋叫咗一个主菜加5个甜品，指位话佢知系呢5款甜品，但佢自己把口就话「系呢4个甜品吖嘛？」🤨，咁我哋再提多次「系5个㖞...」，佢面口已经唔太高兴咁...我哋真系吓亲，自问我哋问每样嘢都唔该前唔该后嘅，在座都有朋友做服务行业所以我哋都好明白好多嘢唔系老奉，问人嘢一定要有礼貌，但冇谂过都会受到啲咁嘅回应，其实都几失望。
后尾，我哋啲食物同甜品都未到但店员已经拎咗张单叫我哋埋咗佢，亦冇讲任何嘢，我哋感觉好confuse，过咗阵店员再走嚟叫我哋埋单，我哋就问「咦，我哋仲有嘢未到㖞」，佢先同我哋讲「整紧」，其实佢哋可以俾张单我哋时讲句「我哋要埋数，麻烦你哋埋咗张单先，啲食物整紧转头会嚟」。
其实呢间餐厅食物系唔错，价钱亦合理，甜品直头好好食添！我哋成班食完啲甜品真系哗哗声。唯一真系服务态度非常之大空间改善，作为小店我都希望你哋可以做得更好，希望下次嚟你哋会有改善。
顺带一提，有个甜品叫铁板brownie配雪糕系好惊喜😱！完全冇谂过咁配搭系咁好食。(可惜后尾食得太急大部份甜品系冇影相)
千岛海鲜薄饼
$158
18 浏览
0 赞好
0 留言
绿茶心太软配雪糕
$88
7 浏览
0 赞好
0 留言
张贴
