韓樂 (TKO Gateway西翼)

营业中

休息中

午餐时间嚟到呢度食饭，其实一向我都唔太喜欢韩国嘢，不过呢间野开咗咁耐我都未试过，所以来挑战一下。睇吓餐牌，由于个人唔太好韩国嘢，争啲拣唔到，最后拣咗个鸡肉石头锅饭。就咁睇相觉得好吸引呢？佢上菜嘅时候我都有少少吃惊，个卖相真系好靓好多料，50几蚊算系咁啦。要赞一赞嘅系个温泉蛋超靓，仲有点解有少少特别嘅惊喜呢，就系佢个饭，真系珍珠米嚟嘅，仲有仲有最重要嘅系佢加左藜麦系入边。好少见有食肆会加呢啲健康产品系入边，即刻觉得成个餐健康晒。个石头锅热辣辣，热但唔会系超热，所以系有饭焦但系唔会系窿饭焦，呢个都要赞。其他味道方面，有啲淡，我谂可能佢预咗你会加两杯汁落去调味，果两杯就系响张相右上角两杯银色嘅嘢，一个咸咸哋一个辣辣地。不过今餐我想食得清淡所以我冇加落去。其实都几贴心，调味已经系汁唔系酱，任你加唔加都得。假如佢餐牌上面有更多选择，我会再去食。