Chang Thai Restaurant & Bar (裝修中)

铜锣湾的确有好多食肆可以拣，不过环境又好，而价钱相宜，味道又好嘅就未必有咁多。呢间泰菜餐厅布置得好靓，仲一直播住泰文歌，好有feel🤣，未食就已经觉得似喺泰国。招牌泰式青芒鱼呢碟鱼好架势，成个摆盘都好有心思。条鱼要hold 住咁嘅姿势系要炸嘅时候帮佢定型，步骤都唔容易。鱼炸得好脆口，起埋骨吃得好爽。青芒估唔到咁好食，有D 爽，有D 淋，吸晒D 酸甜汁好开胃香叶辣炒肉碎食泰菜通常都会点，肉碎份量成大碗饭咁多，辣得好过瘾，生菜好新鲜，夹埋一齐减低罪恶感🤣，如果有白饭捞就prefect 泰式虾酱炒饭虾酱好香，饭身唔湿亦唔油， 食得出有镬气。碟饭仲有配埋青瓜、腰果、肉松、蛋丝、泰式蜡肠。泰式饭有呢D 配料都好重要，咁就接近还原喺泰国食到嘅风味。重点系配菜都好好食。铜锣湾呢个环境，呢个价位，呢个质素，都真系值得试下。