影片
更多
2010-02-01
18 浏览
30-1-2010呢间店路过好多次都想试, 但次次唔系无位就系「闭门造车」, 见是日两样都唔系, 立即同朋友冲了入嚟试试.大家各自叫了捞丁餐, 跟自选「小食」 一客及一杯饮品:-「小食」系「凉拌青瓜凤爪」-- 凤爪已去骨, 食得方便, 质感爽滑, 仲有红萝卜丝及青瓜, 配上超级劲爆酸及少少辣的醋汁 (还是鱼露来的?), 够晒开胃. 芝麻就落咗对味道都无乜帮助, 存在价值不大.冻奶茶劲多冰够晒冻, 不过 (1) 无茶味, (2) 无甜味, (3) 只有少少奶味, 我几时叫了「冻奶茶全走」!? 主食系五香肉丁煎蛋鸡翼捞丁(姜葱豉油汁) -- 豉油汁份量够, 姜丝葱丝亦唔少, 将蛋黄拮穿拌匀, 食落丁面多一份蛋味及黏口, 不过本身渌得太腍, 再加埋蛋黄汁, 都真系好腍吓 -_-" 五香肉丁唔多够辣, 而卤水鸡翼就几好食, 卤水汁够香, 鸡翼就肥大入味, 鸡肉嫩滑有肉汁, 几好食.朋友食照烧汁鸡扒捞丁 -- 试了一件鸡扒, 鸡皮十分香脆, 不过鸡肉干到「起丝」, 真系 -_-"朋友个餐的「小食」就系格仔饼 -- 属「散叫」的一半份量, 食了一啖系觉得好脆, 不过好干, 无蛋香又无牛油香,
呢间店路过好多次都想试, 但次次唔系无位就系「闭门造车」, 见是日两样都唔系, 立即同朋友冲了入嚟试试.
大家各自叫了捞丁餐, 跟自选「小食」 一客及一杯饮品:-
「小食」系「凉拌青瓜凤爪」-- 凤爪已去骨, 食得方便, 质感爽滑, 仲有红萝卜丝及青瓜, 配上超级劲爆酸及少少辣的醋汁 (还是鱼露来的?), 够晒开胃. 芝麻就落咗对味道都无乜帮助, 存在价值不大.
冻奶茶劲多冰够晒冻, 不过 (1) 无茶味, (2) 无甜味, (3) 只有少少奶味, 我几时叫了「冻奶茶全走」!?
主食系五香肉丁煎蛋鸡翼捞丁(姜葱豉油汁) -- 豉油汁份量够, 姜丝葱丝亦唔少, 将蛋黄拮穿拌匀, 食落丁面多一份蛋味及黏口, 不过本身渌得太腍, 再加埋蛋黄汁, 都真系好腍吓 -_-" 五香肉丁唔多够辣, 而卤水鸡翼就几好食, 卤水汁够香, 鸡翼就肥大入味, 鸡肉嫩滑有肉汁, 几好食.
朋友食照烧汁鸡扒捞丁 -- 试了一件鸡扒, 鸡皮十分香脆, 不过鸡肉干到「起丝」, 真系 -_-"
朋友个餐的「小食」就系格仔饼 -- 属「散叫」的一半份量, 食了一啖系觉得好脆, 不过好干, 无蛋香又无牛油香, 只有杰挞挞又 chunky 花生酱, 唔喜欢.
「低糖豆浆」就无试了, 唔知又够唔够豆味及「低糖」?
小店卫生 ok, 不过属「速食」格局始终坐得唔多舒服, 冷气又开到劲大兼吹正头壳顶, 食完快闪好了.
每人约 $40 埋单, 平平哋一试无妨, 不过格仔饼就系不必专程来食了, 搭多几个站地铁去天后 (http://www.openrice.com/restaurant/commentdetail.htm?commentid=2049560) 买好过啦.
张贴
