壹．咖啡店 (已結業)

途经油麻地一间餐厅，见到门口餐牌有好多款式，都颇吸引。咁咪入去试一试啦!餐厅大部份枱都系卡位，仅容纳到一个身型中等嘅人坐，稍为肥少少就觉得好迫夹。 四人卡位系要同人哋搭枱，仲要坐埋一边。 张枱嘅位置唔使讲好细啦! 而且上菜又想得快，一个餐汤、蒜蓉包、跟住就到主菜啦! 如果再上埋餐饮根本就冇位摆。香煎鸡扒配烧汁大盛盒鸡扒好大浸雪味，只好靠𠮶啲酱汁遮盖咗个味道，薯条炸得都可以，起码唔系只得油。沙律菜有芝麻酱伴埋好味，个蛋糕啲忌廉比较腻，柠水不过不失啦!法式慢煮烟熏鸭脾珍珠饭鸭脾唔够热，似乎系整定咗嘅，白饭嘅质感都可以，起码唔会太烂。