Monster Sushi (已結業)

相约友人嚟到Monster Sushi午餐，好好彩地早咗少少嚟，完全唔需要等位，但大约1点就开始多人啦! 所以座位偏窄，不过尚算坐得舒服。我几钟意呢度餐厅的布置，挂上一个个金色的吊灯波波，好唯美 一场嚟到当然要试试刺身同寿司，我们分别点咗个「北海道宝船丼」及「刺身定食」，每个SET都送前菜沙律、蒸蛋及面豉汤。前菜沙律、蒸蛋及熟油金鱼腩排列得好整齐，沙律好新鲜，用酱油整，中间的蒸蛋质感好滑身，不过食食下觉得有D水，食咗少少右手边的食物，至问问侍应最右手边系乜嚟，原来系熟油甘鱼，肉身不太鞋，酱汁带点醋酸。刺身定食附送白饭，虽然大部份刺身同北海道宝船丼相似，但分别在呢个多咗油甘鱼，八爪鱼同吞拿鱼碎卷。整体刺身都好新鲜，三文鱼肥美甘香，而八爪鱼亦好爽口，其中最好食系带子，肉质厚身，啖啖肉，又滑一滑，食得出好鲜味。北海道宝船丼价钱贵少少，但有我最中意的鳗鱼同三文鱼籽。三文鱼籽带点软身，一咬落去，鱼籽汁涌出嚟，好好味。而炭烤的鳗鱼好香，用嚟送饭最啱。顺带一提，船丼内有蟹膏，一D都唔腥。今次系首次嚟呢到食午餐，食物味道及环境不错，有待下次再战!