沙嗲王 (官塘工業中心) (已結業)

放左工谂住近近地就试下系工厂大厦地下既沙嗲王啦，唔洗点等位同埋入面好阔落。😛😛1.沙嗲牛肉粉丝$48见到佢地个新餐单有沙嗲牛肉粉丝就谂住试下啦，牛肉都算ok，个沙嗲汤底唔得，好多油但又冇乜沙嗲味，有少少中伏feel。下次都系叫返佢地d经典野好d😔😔2. 白咖哩猪扒汤乌冬$64依碗乌冬就正常好多啦，系佢地出名既白咖哩汤，猪扒亦都有三块，乌冬都算弹牙，算系几抵食，但都系好多油。总括黎讲，依间沙嗲王普普通通，叫佢地招牌菜式都唔会中伏既。