臺月

营业中

休息中

平时系屋企附近嘅餐厅食到有啲厌，咁岩行过见到呢间新开嘅台湾菜就决定试一试！黑糖珍珠奶茶黑糖味太少，基本上系饮唔到有黑糖味，令我都有少少怀疑系咪黑糖珍珠奶茶。另外奶味太重完全饮唔到茶味，令到成杯黑糖珍珠奶茶好似一杯奶水咁。澎湖虾卷虾卷炸得够脆身唔错，不过味道唔系太浓，可能香港人嘅口味偏向重，所以建议店家可以配上酱料或汁咁会好啲。黑麻油鸡翼拌面黑麻油味道唔系太重，唔系好入到鸡翼，不过鸡翼都算嫩滑唔错的。糖心蛋味道唔错够入味。不过因为黑麻油味道唔够重，令到拌面好淡同面身唔够淋。肉燥娃娃菜娃娃菜落汁都几鲜嫩同有甜味，不过个肉燥味道有啲怪，可能系口味唔同食唔惯。唔系一般食开嘅肉燥味道，有一浸唔识形容嘅香味。