哲麵 (已結業)

疫情下, 发现新嘅日式拉面店。南昌站附近嘅新选择。首先要讲嘅系: 人手不足, 但喺艰难嘅时刻 , 明白嘅、体谅嘅。其中一份餐, 叫咗下午茶时段嘅「迷你日式义烧丼」, 配芝麻鸡亦及蜜瓜梳打汽水, $34抵食到极, 味道唔错。义烧冇乜味道, 但芝麻鸡亦几好味。蜜瓜梳打最good, 依啲唔系度度有得饮。另外, 叫咗一份午餐嘅「特盛霸王拉面」, 配前菜及甜品「地瓜球」。个面嘅配料、汤底都唔错, 义烧都系属于白肉叉烧(我意思系:冇烧烤过), 唔系咁啱胃口。而面身过淋系至命点, 我唔敢话「面太淋」系一定错, 但对我嚟讲就唔系咁钟意喇。个地瓜球好好味, 想食多几粒。个面上菜时间较慢, 等咗20分钟, 唔知系咪咁样令到个面淋咗。希望「面太淋」只系一时失手。我会畀多次机会依间食肆。