漁正居酒屋

营业中

休息中

佐敦多美食，不过居酒屋就真系唔多觉眼，所以渔正啱啱开时已经想试。店面唔大，最特别系佢地有四组榻榻米座位，店内最入喺屋簷下面仲有寿司吧枱，满满日本风情。不过留意返，榻榻米座位因为有限，所以最好预早book。Menu选择都几多，小食、刺身、串烧、寿司、卷物、火锅、一品料理都有，因为我地系经openrice订枱，人头清费满$150，正价食品仲有全单八折。芥辣八爪鱼($48) - 八爪鱼份量对版，唔会葱多八爪鱼少，芥辣味突出但唔会太呛鼻，几开胃。炸墨鱼咀($78) - 炸浆唔会太厚太硬，墨鱼咀有咬口唔会太韧，食落唔会太油，椒盐落得够，咸咸香香几惹味。烧芝士年糕($58) - 芝士年糕口感软糯，加埋半融芝士，味道唔错。特选花之鱼生饭($168) - 渔正所有嘅米饭都系日本产，粒粒浑圆有弹性，上面放满油甘鱼同赤身，两款鱼生都几大块同厚切，上面仲有两瓣海胆，鲜甜冇腥苦味，就咁捞埋豉油同wasabi食已经好味。