富臨漁港囍臨門酒家 (已結業)

得闲就约屋企人饮个茶食个包，喺长沙湾饮茶选择唔多，所以佢通常都会去到荔枝角富临饮茶。来呢度饮中午茶，最好嘅时间系12点钟前来拎位，如果唔系就有排等。菜远虾球伊面＄98本身以为系炒面，点知原来系汤面，入边嘅配料有大虾，草菇配上伊面，虾都几大只，虾味欠奉但系都算弹牙，伊面煮得太淋。其他点心整体算系普通，皮蛋牛肉粥，牛肉较un，皮蛋就几好食，饮得出加左啲味精。萝卜糕一夹起好容易散，入边萝卜嘅比例唔算多，但煎得都算香口。鱼茸酿茄子先走油炸起，再配上酱汁，朋友就话觉得几好食。值得改善嘅地方系冷气可以再加强，我哋食到一半嘅时候开始流汗，完全冇冻嘅感觉。