The St. Regis Bar

营业中

休息中

女孩子嘅聚会，好多时都系会走去食high tea。今次同友人选择左St Regis Hotel嘅high tea。我哋之前完全冇做过任何research，就系求其拣一间未食过嘅五星级酒店走入去。一般酒店嘅high tea，都系set好晒所有款式嘅选择，但系St Regis Hotel打破传统，佢有10几款咸点同10几款甜点，放喺架餐车𠮶度，推出嚟比客人选择，每个人可以选四款，即系一个set可以选八款甜点同埋八款咸点。呢个做法我觉得非常之好，因为唔同人总系对食物有唔同嘅要求，奄尖腥闷如我，食亲tea set总有一两款系会唔食，但系St Regis Hotel就可以俾我选择所有我食嘅款式。佢嘅咸甜点心特色在于所有材料都唔会系单一味道，亦都唔系出边可以随便食到嘅嘢，相信应该系经过厨师嘅精心配搭，卖相亦都非常精美。总括而言，呢一餐食得非常之满意。