I-O-N (已結業)

今日去中环街市睇吓，行完一圈之后，脚仔攰，拣咗响ION Cafe坐低饮杯嘢。大约4点入座，好彩还有一张窗边位可以坐😅。朋友和我点了Cappuccino ($48) & Americano($45)☕，以及拣咗cake combo ($78)，即系一件cake及两块蝴蝶饼。落order时，侍应问，咖啡想nutty啲定fruity啲，有得拣，good呀；唔太喜爱酸味嘅咖啡，所以拣咗nutty.杯Americano来到时还有一张小咭介绍番口味，我哋两个都好满意杯咖啡，香浓而果真无乜酸味，好饮，我都唔需要加奶落杯Americano𠮶度。😋见到蛋糕柜有好多款cake，后来拣咗Matcha Yuzu Opera 抹茶柚子歌剧院，上枱时见到蛋糕上嘅朱古力牌写著“Nina Patisserie”，原来啲糕点系如心酒店嘅cake shop的，件蛋糕好香柚子味，再加上抹茶味，好食。😋蝴蝶饼香脆，建议先吃蝴蝶饼，然后才吃比较浓味嘅蛋糕。下次要再嚟试其他蛋糕款式。见到coffee bar那边有bar枱位，有些bar枱位还有电掣位，前面亦有咖啡豆&茶叶卖。