八居酒屋 (旺角新城)

营业中

休息中

香港有好多唔同嘅日式餐厅，日式居酒屋嘅氛围，都会想重温日式小菜嘅美味！今次同朋友两个人嚟到旺角新城入面嘅日式居酒屋试咗几款日式小菜同埋寿司，虽然价钱唔算好平，但系质素绝对对得起价钱！我哋夜晚六点几嚟到，餐厅唔算好多人，店员嘅服务态度几好，一坐低就斟咗热茶俾我哋饮。我哋叫咗两款小菜分别系大根牛舌同埋清酒煮蚬。朋友好钟意食前者，萝卜嘅味道好甜，牛舌都住得好软烂！而我自己就钟意后者多啲，清酒嘅酒精味唔系好浓，反而是好清甜，配上非常之新鲜有肥美嘅蚬，好味呀！寿司同埋海鲜丼饭嘅质素都非常之嘅顶级！鱼生油香味十足，而且全部都系厚切！寿司饭食得出系寿司师傅人手制作，有诚意，唔会好似一啲连锁店用机器整饭团，少咗口感。最有趣嘅系餐厅出边仲有摆一部做公仔机，入到指定嘅分数就可以换小食，我劲好彩夹到炸鸡又可以加送了哈哈！如果冇记错，只要有消费都可以试玩