金啫の鍋 (已結業)

宵夜时段食鸡煲，谂起都觉得开心，今次仲揾到间好食又抵食既，就更加开心。七楼一出䢂就系，L形落地玻璃，坐位又宽敞干净，环境唔错架。调味料摆放都好讲究。有啤酒汽水任饮，最特别系有水果茶，睇下几靓，每瓶都系$15 ，试得过架。雪柜放左近七十款新鲜食材，一小份咁用小碟装好，比起一般自己夹既，更干净方便。食鸡煲前要睇金啫攻略，如果非繁忙时间，店员会主动帮忙架。鸡煲一开盖就香气扑鼻，辣味刚刚好，店员会另外准备一碟酱料，可以随时自己加辣。鸡肉鲜嫩，配料又够，非常惹味。特别招待既海产，按人头分配架。鲍鱼仔爽口弹牙，蛏子好鲜味，最得意系只虾，初既仲谂系咪就咁可以食，好彩问下店员，原来都系要煮过先食既，虾肉又弹又鲜甜，水准唔错。食食下会有店员带你去抓蚬，用双手一抓落碟，抓得多食得多，之后店员会数数，睇下可唔可以打入排名榜架，好彩我都唔系包尾😂真系好创新，好好玩。估唔到d蚬细细只，但全部都好新鲜，无沙兼开晒口架，非常鲜甜，我同朋友2个人，食晒70只，正！一路挂住食，原来影得一张边炉料相，鸡子唔系度度有，呢度又大粒又新鲜。食物有水准，店员好细心，又亲切有礼，下次会再黎过。