影片
更多
2023-05-21
1001 浏览
钓虾场嘅热潮过咗之后，流水虾都兴咗一段时间，我就第一次嚟试，觉得今次嘅体验都好有新鲜感。「烧虾虾」场地面积好大，我离远已经见到超大个招牌好抢眼。位于屯门站隔离，交通好方便。工业风装修，配搭色彩鲜明货柜造型铁櫈，墙上霓虹灯牌、日本风得意海鲜墙画，连洗手间装修都衬返整个设计。每张枱都有独立抽气系统，抽气做得好，唔会成间店都系油烟味，而且冷气够。整间店都有蓝色玻璃水缸围边，放住生猛嘅大头虾。成个环境令我感觉唔似喺香港，好似去咗台湾或者韩国一啲烧烤店，有去旅行嘅感觉。安排座位坐低后，就走出去参观同攞嘢食，我觉得老板都几有心机安排，任饮任食分咗唔同区域，仲见到有啲细心位，而且地方整洁，样样都想攞嚟试，望到都好兴奋。► 海鲜区全部海鲜都系任食，而且款式都唔少，无间断补给，净系呢点都已经好吸引，我哋主打海鲜，烧咗好多转。⊛大头虾~系今餐主角，我哋喺座位身旁嘅水缸夹大头虾，餐厅细心准备咗冰桶可以先冰一冰啲虾，等烧烤时唔会太生猛跳嚟跳去。大头虾爆膏，经烧烤后啲膏更香浓，虾肉新鲜弹牙，蘸泰式酱汁更惹味。⊛鲍鱼~新鲜，肉质弹牙。⊛蚝~烧每一转都用唔同调味，蒜蓉牛油最掂。⊛蚬~都有三款，沙白、青蛤、白蚬。⊛带
每张枱都有独立抽气系统，抽气做得好，唔会成间店都系油烟味，而且冷气够。整间店都有蓝色玻璃水缸围边，放住生猛嘅大头虾。成个环境令我感觉唔似喺香港，好似去咗台湾或者韩国一啲烧烤店，有去旅行嘅感觉。
安排座位坐低后，就走出去参观同攞嘢食，我觉得老板都几有心机安排，任饮任食分咗唔同区域，仲见到有啲细心位，而且地方整洁，样样都想攞嚟试，望到都好兴奋。
► 海鲜区
全部海鲜都系任食，而且款式都唔少，无间断补给，净系呢点都已经好吸引，我哋主打海鲜，烧咗好多转。
大头虾
38 浏览
0 赞好
0 留言
⊛大头虾~系今餐主角，我哋喺座位身旁嘅水缸夹大头虾，餐厅细心准备咗冰桶可以先冰一冰啲虾，等烧烤时唔会太生猛跳嚟跳去。大头虾爆膏，经烧烤后啲膏更香浓，虾肉新鲜弹牙，蘸泰式酱汁更惹味。
牛油蒜蓉烧蚝
15 浏览
0 赞好
0 留言
⊛鲍鱼~新鲜，肉质弹牙。
⊛蚝~烧每一转都用唔同调味，蒜蓉牛油最掂。
⊛蚬~都有三款，沙白、青蛤、白蚬。
⊛带子~鲜甜，加蒜蓉烧。
⊛花螺～新鲜爽口，食咗好多粒。
烧马友鱼
17 浏览
0 赞好
0 留言
⊛马友鱼~鱼类不停换款，仓鱼、黄脚𫚭等。烧马友超正，油脂丰富，烧完出嚟好香，基本上唔使落任何调味料，不得不赞自己烧到皮脆肉嫩，街市买马友都唔平，必食推介。
⊛多春鱼~烧烤炉火刚好，我哋都好容易掌握，唔会好快就烧到㶶晒，连多春鱼都烧得好靓，唔会烧到黐烂皮。
► 肉类、蔬菜区
款式种类好多：肠仔、鸡全翼、羊架、牛仔骨、串烧鸡肾、串烧鸡皮、翠玉瓜、鸡髀菇、小紫甜番薯⋯⋯不过烧得好唔好食始终都要靠自己。
► 生啤、饮品区
重点嚟喇！生啤都系任饮：Hoegaarden、1664、Asahi、Suntory，啱晒钟意豪饮嘅朋友，餐厅仲贴心雪冻唔同牌子嘅啤酒杯俾客人自由斟，仲有清酒、梅酒、樽装啤酒。两大雪柜放满唔同汽水同茶类。另有自助冲茶位置，茶叶款式都几特别。
11 浏览
0 赞好
0 留言
► 冷盘区
雪柜有即食冷盘：泰式凤爪、酸辣大虾、日式沙律、味付螺肉⋯⋯
⊛醉花螺~ 爽口，阵阵酒香。
⊛醉溏心蛋~酒香浓郁，有溏心，一盒一只。
⊛醉猪手~入味，猪皮同肉质都有弹性，咬落去有爽弹感觉。
► 熟食区
除咗烧烤都有其他熟食：茶叶蛋、麦乐鸡、春卷、咖喱鱼蛋、烧鹅、卤水鸡翼⋯⋯
► 粉面、点心区
各款即食面同汤底，可以自助煮面。仲有热辣辣蒸点心：虾饺、烧卖、牛肉球、奶皇包、糯米鸡⋯⋯
► 酱料、用具区
多种酱料供客人混酱同调味：蒜蓉、辣椒、牛油、蜜糖、烧烤汁⋯⋯仲有锡纸兜、干湿纸巾、围裙、手套等用具，应有尽有。
►甜品区
可以自制甜甜圈，有早餐食嘅蜜糖星星，多款本地同韩国嘅雪糕、雪条全部任食。
有得玩又有得食好愉快，不得不赞店员亲善好有礼貌，清碟快，食物不停refill，埋单$383/ 1位，食足3个钟头大满足。到我走嘅时候，户外位置都坐埋，越夜越热闹，见到食客都好开心烧烤、饮酒，弥漫住烧烤嘅香气同愉快嘅气氛。
#烧虾虾地址：屯门仁爱堂街45号兴泰大厦地下1,1A,2至8号舖
张贴
