福岡漢堡扒

营业中

休息中

呢间韩国石烧和牛汉堡扒，第一间落户香港的尖沙咀厚福街店原来已经关了，路过南昌V Walk见到有分店就去食下。① 两人套餐 set 4 $366菠萝烟肉韩牛汉堡扒（M）芝士蛋蒜韩牛汉堡扒（M）韩式汤乌冬巨峰提子特饮 +$18金橘柠檬特饮 +$18两份汉堡扒都唔细，自己用铲𠝹开，放上热石，然后不断反覆去煎，以免烧焦，烧一阵就食得。和牛汉堡扒配搭不同材料，芝士，菠萝，烟肉，蒜片，蛋等，我觉得加芝士同蒜片，沟埋最好味！每份汉堡扒仲有份沙律菜同面豉汤，可以中和一下油腻感。当烧左一段时间，热石开始唔够热既时候，职员已经主动前来换另一块热石，几好服务。另外餐厅个抽风筒好强，睇住都觉得好治愈，而且唔怕食完啲衫吸晒味。烧完汉堡扒，二人餐仲有份乌冬，有烧牛肉，腐皮等几多料，食埋好满足。本身跟餐有汽水，加钱改配特饮好大杯，夏天就系要呢啲！我杯巨峰提子特饮唔会太甜，沟得几好。