炑八韓烤親子餐廳

营业中

休息中

我同老公想食韩烧，而婧妤婧楠就想去玩，咁就黎左观塘嘅炑八韩烤亲子餐厅，一入到嚟，佢地就已经比游戏室入面嘅波波池吸引住！即刻除鞋入去玩，有滑滑梯波波池、超市玩具、扮演区玩具、仲有好多唔同婴幼儿嘅玩具可以玩……两姊妹玩得好开心，而我同老公坐嘅座位正正就系可以望到佢地玩之余，又可以享受韩烧嘅时间🌸海豚畅游碟豆花磨菇汁饭摆盘好靓，有蟹籽、紫菜、虾、青瓜，配料好丰富，好健康🌸雪花厚切五花肉店员好好主动帮手烧制，好厚身又长嘅五花肉，雪花分布好平均，肉质多汁，味道浓郁！配埋新鲜生菜包埋一齐食🌸外裙肉烧烤之后食落口仍然保留到肉汁，仲食到浓郁嘅牛味，口感软嫩但又带少少嚼劲🌸韩国酱油虾配紫菜饭 几只大大嘅虾，浸喺满满嘅酱汁入面，每只虾都好入味，仲有虾嘅鲜味，配埋紫菜饭，好惹味🌸狂野丛林芒果窝夫配雪糕暖暖脆脆嘅窝夫🧇配埋大量嘅cream同埋芒果粒连埋雪糕一齐食🌸芒不了的芒果乳酸特饮，清新香甜🌸莓有烦恼的蓝莓乳酸特饮，味道酸酸甜甜，🎀餐厅舒适宽敞，餐厅店员服务态度好友善！有啲座位仲系韩屋设计，好细致好靓！著住韩服体验一边食韩烧，好似置身喺韩国咁