開心坊·親子餐廳 (已結業)

第一次见呢间位于何文田广场既西餐厅，骤眼睇舖面，会以为系专做亲子餐既餐厅，但之前朋友话入面系有西餐食既，我半信半疑咁入座。一睇餐牌，原来我朋友真系冇讲错，真系有各式各样既西餐选择。西餐既选择有唔少，分左前菜，主菜，甜品同小食等等，我地见餐牌上写住一项主菜叫做每日新鲜，我地好奇下问左位侍应系咩来，佢话呢个系每日精选既菜式，日日都有唔同，咁啱今日就系羊肉肉酱长通粉，牛肉同猪肉肉酱就食得多，羊肉真系未试过，就我地就叫左一客，除此之外仲叫左客西柚鸡翼，芝士薯条同埋一杯苹果羽衣甘蓝汁。羊肉肉酱长通粉既味道好特别，羊肉既味道好出，加埋茄汁真系比起猪肉同牛肉既肉酱味道更加出色，又唔会太过膻味重，好值得一试。西柚鸡翼食得出系即叫即炸，西柚汁酸酸甜甜咁，啱啱好中和炸鸡翼既油腻，好醒胃。芝士薯条脆得来唔怕㶶，食得出d芝士系水牛芝士来，夹得来又唔怕太饱，啱啱好，食完仲想叫多一客。最后个杯苹果羽衣甘蓝汁先系重点，真系鲜搾，冇花冇假，饮落感觉好新鲜，唔会太甜，羽衣甘蓝既甘味同苹果味夹得好好，真系好值得推介