靚煲皇 (已結業)

呢晚约咗来自港九新界嘅朋友，最好就紧系约喺中间点见面，旺角就系不二之选，但要避开人多挤迫嘅地方，所以就约咗去呢度食饭。坐低就先上餐前小食-花生，边食边倾计，食食吓啲𩠌都上枱啦!朋友钟意食大肠，佢就即刻叫咗个黄金炸大肠，大肠外皮炸得香脆，下面垫有菠萝，作为前菜真系唔错!再嚟就系另一香口小食黄金脆豆腐，一啖一粒唔觉唔觉就食完。冻食卤水拼盘有猪生肠、鹅翼、鹅掌同鹅肾，样样都系脆口嘢，愈食愈想食，点埋个白醋汁更加增进食欲。我哋叫咗个水煮肥牛，牛肉嫩滑，配菜有寛粉、芽菜等，食完仲可以用啲汁嚟打边炉，所以又叫咗其他打边炉配料。手打四宝丸爽口弹牙，味道鲜美，好食!即炸响铃卷系索汁之选，即炸食落系唔同啲， 索完汁之后都唔会太淋，有咬口。朋友钟意食猪红同黄沙猪膶，所以都有叫嚟打边炉。鲜菜篮有几款蔬菜，加埋落啲辣汁，吸晒啲辣味，变咗水煮菜咁。惠顾四款小菜或以上，就会送红香桂花糕，刚好用作解辣嘅饭后甜品。