稻八日式火鍋炸物放題 (已結業)

朋友离港在即，所以相约三五知己食饭fall well 。其中一位朋友就推荐咗稻八嘅日式打边炉 。有人出主意食饭就最好不过， 返悭咗揾餐厅食饭嘅功夫。今晚就去咗荃湾嘅分店 ，一入到去感觉十分光猛宽敞。我当然第一时间去自助吧睇下有咩食啦。疏菜选择种类十分多，有唐生菜，西生菜，金菇，鸡髀菇，各适其适。最得意嘅就系可以自制天妇罗。有好多配料选择，例如蕃薯仔， 甜虾，烧卖数之不尽。我咁大个人都系第一次自己整天妇罗食，感觉好亲鲜。平时主要系拣唔同级数嘅牛肉由$168起跳，再，落就$208,$258,$368。但系今日我哋今日我地就选咗海鲜餐$248，如图所示海鲜种类亦十分多，不得不提扇贝足足有成只手掌咁大，比较少见嘅有赤贝。 除此之外仲有帆立贝，生蚝，海虾诸如此类，大满足。另外仲有好多配料提供例如贡丸，海胆丸，响铃等等。仲有个日式咖哩饭添，一定食到你撑晒肚。汤底方面我哋就拣咗猪骨汤，入面有好多煮到好林嘅猪肉，索满晒汤底食落肉质松软件。另外猪肉鸡肉可以任食。总括嚟讲258蚊有咁多嘢食又有咁多嘢玩，性价比几好。PS:酒精饮品价钱相宜，廿蚊大大杯生啤。梅酒清酒都系六十蚊一壸炸。