影片
更多
2020-07-16
1706 浏览
久违的聚会唔想太快结束，所以食完晚餐决定揾个地方饮2杯吹下水😂 见到Box Hong Kong除左有酒，仲有VR！好吸引！Box Hong Kong 系诺士佛台楼上酒吧，门口有啲机关枪做装饰，配合返VR game一入门口见到一排VR 机，另一边仲有个VR 房 同飞标，好多野玩！当然唔少得Beer Pong 呢D饮酒Game 啦！职员安排坐位后就俾左iPad 我哋，iPad即Menu，系黑暗环境都可以睇得好清楚。除左唔同类型嘅酒仲有小食，职员见我哋唔知拣咩好，问我哋想饮咩类型/味道，最后按职员推介拣咗2杯Signature Cocktail~ Bear Attack：呢杯一到我哋就俾个杯吸引左，好得意😍职员介绍因为呢杯有咖啡粉会比较苦，可以等啲冰慢慢溶落去，你可以饮一啖食一啖烧咗嘅棉花糖呢杯cocktail 由多种酒，连咖啡粉同可可粉调出嚟，所以相比French Kiss酒味重好多。加上饮嘅时候会饮到咖啡粉，带点苦味，咬一啖棉花糖又俾甜中和，多重Attack😂(不过粒棉花糖食个阵有啲麻烦)French Kiss： 我比较中意水果同甜cocktail, 呢杯French Kiss主调系Gi
Box Hong Kong 系诺士佛台楼上酒吧，门口有啲机关枪做装饰，配合返VR game
一入门口见到一排VR 机，另一边仲有个VR 房 同飞标，好多野玩！当然唔少得Beer Pong 呢D饮酒Game 啦！
职员安排坐位后就俾左iPad 我哋，iPad即Menu，系黑暗环境都可以睇得好清楚。除左唔同类型嘅酒仲有小食，职员见我哋唔知拣咩好，问我哋想饮咩类型/味道，最后按职员推介拣咗2杯Signature Cocktail~
Bear Attack：呢杯一到我哋就俾个杯吸引左，好得意😍职员介绍因为呢杯有咖啡粉会比较苦，可以等啲冰慢慢溶落去，你可以饮一啖食一啖烧咗嘅棉花糖
呢杯cocktail 由多种酒，连咖啡粉同可可粉调出嚟，所以相比French Kiss酒味重好多。加上饮嘅时候会饮到咖啡粉，带点苦味，咬一啖棉花糖又俾甜中和，多重Attack😂(不过粒棉花糖食个阵有啲麻烦)
French Kiss： 我比较中意水果同甜cocktail, 呢杯French Kiss主调系Gin 同士多啤梨，酒味唔劲，都易入口。
但同Bear Attack相比之下冇咩特别
另外仲叫咗个Hogandan tower, 职员会贴心俾多个杯你~
仲有薯角，可惜炸得唔够脆
嚟到呢度最紧要梗系要玩VR!! 而且系唔洗钱!!😍 当然要不停玩！
VR机系一人一部，有3种game。可以连线同朋友对打/合作。
同朋友对打输咗又要饮过😂 Zombie game 好刺激!
人数多玩VR房个个好玩啲，我哋人数少不停俾丧尸围😂 而且睇人哋玩都好好笑！
走先发现门口个零食柜可以自己拎泥食，蚀咗添😂
职员制服都几正式，而且服务好，以为会好贵，但有VR任玩，性价比都高！通风系统都唔错。
希望疫情快D完，咁我就可以再同姐妹们一齐去
张贴
