Banabana (已結業)

岩岩開左冇耐，但已經好多報導講過，司令梗係又襯熱鬧去飲下。一去到，果然好熱鬧，細細既店面企滿曬人！-先揀三款自己想要既水果，再插落小火箭到，交比收銀哥哥，比完錢等一陣就得架啦。基本配搭$28一杯，不過某啲水果會貴$2、$3，視乎大家點揀。如果諗唔到揀咩，都有唔少set好左既配搭喎！-司令試左兩杯，一杯係桃+番石榴+益力多($34)，飲落清甜帶乳酸味，幾岩夏天飲，不過番石榴應該直接打碎，入面都幾多核架，想飲得順暢啲最好揀返冇核水果。另一杯係番石榴+菠蘿+青提($31)，飲落偏酸，菠蘿味重，飲完即刻想食野！