影片
更多
2021-12-13
2071 浏览
好少写食评，今次专登要写一写。铺头位处旺地又喺街头，讲真今时今日基本上啲嘢唔洗好食都自然会有客，所以点解我会话呢间嘢有善念，肯做好！谂唔到食咩，见外卖自取$42仲包嘢饮，加埋BXXpay 再减$8，本身谂住$34将就一下又一餐。拣嘢饮见到有自制菊花茶，又咁好嘅，下一下火。行到铺面，见个排场都无咩期望。番到公司，打开个盒，哗，PP盒而唔系发泡胶。利申唔系环保能人，但果吓我觉得究竟有咩驱使一间咁嘅铺头唔用发泡胶，系爱定系责任？明明根本系喺商业角度嚟讲完全唔合理嘅事，因为悭得一蚊就赚多一蚊嚟交租。忽然觉得自己虽然系一只社畜，但只要做好一啲啲小事，件事就系好事。讲番嘢食啦。葱油鸡扒午餐肉煎蛋饭，葱油香，鸡扒有两块，蛋焗咗20分钟都做到半熟，午餐肉就薄咗啲柴咗啲。菊花茶饮得出人情味，咁无得同深水埗比啦。$42。PS.本人唔系环保能人，唔好问我最后点处理个PP盒，或者点解要叫外盒唔自备。呢篇系赞扬善念嘅食评。好嘅嘢就要赞。
铺头位处旺地又喺街头，讲真今时今日基本上啲嘢唔洗好食都自然会有客，所以点解我会话呢间嘢有善念，肯做好！
谂唔到食咩，见外卖自取$42仲包嘢饮，加埋BXXpay 再减$8，本身谂住$34将就一下又一餐。拣嘢饮见到有自制菊花茶，又咁好嘅，下一下火。
行到铺面，见个排场都无咩期望。番到公司，打开个盒，哗，PP盒而唔系发泡胶。
利申唔系环保能人，但果吓我觉得究竟有咩驱使一间咁嘅铺头唔用发泡胶，系爱定系责任？明明根本系喺商业角度嚟讲完全唔合理嘅事，因为悭得一蚊就赚多一蚊嚟交租。忽然觉得自己虽然系一只社畜，但只要做好一啲啲小事，件事就系好事。
讲番嘢食啦。葱油鸡扒午餐肉煎蛋饭，葱油香，鸡扒有两块，蛋焗咗20分钟都做到半熟，午餐肉就薄咗啲柴咗啲。菊花茶饮得出人情味，咁无得同深水埗比啦。$42。
PS.本人唔系环保能人，唔好问我最后点处理个PP盒，或者点解要叫外盒唔自备。呢篇系赞扬善念嘅食评。好嘅嘢就要赞。
张贴