黃金燒味 (已結業)

放工想去行下会展, 去之前系湾仔区食晚餐, 一路都拣唔岩心水, 因为好多都好贵但食物都唔太吸引, 直至见到呢间, 价钱比较合理而且烧味款式又多, 所以决定一试!晚餐点左份叉烧米粉, 野饮拣左例汤, 佢地标榜系煲左5个钟既靓汤, 是日例汤系红罗白汤, 仲有其他料既, 一饮就知真系老火汤, 冇落味精, 而且大大碗, 岩哂钟意汤既我。本身谂住叫左普通既叉烧米粉, 点知店员问会唔会想试下肥浓腩叉, 开头听个名觉得好搞笑, 望真D原来系指浓味既肥腩叉烧, 所以就转左肥浓腩叉黎试下, 一黎到见到同一般叉烧色泽真系有唔同, 好明显令面D, 烧得靓D, 一咬, 不出所料, 焦糖化左既外皮超级好味, 而且啖啖肉, 应该系我食过既叉烧里面top3之一好食。个米粉虽然系一般既米粉, 但个汤底唔简单, 有D肉骨茶feel, 特别得黎又几好味。