深味餃子 (已搬遷) 新店位置

今晚行过荃湾，见到一间装修比较新，同埋卖一些新款的饺子，于是就入咗去试试啦。入到去，感觉都几家庭式，所以觉得味精应该唔多。果然不出所料，我从佢碗汤度就知，因为味道足料但饮完唔会口渴，同系屋企饮嘅足料汤一样。当然，作为一间饺子店，佢有提供煎饺或者汤饺，我地怕热气，就叫咗汤饺来食。原来个汤底都系用返岩岩饮个碗足料汤，正。我地叫咗两种饺各五只，一只系黑松露芝士饺子，一只系野菌猪肉饺。两者味道都唔错，一只浓，一只淡，岩哂想食唔同口味嘅人士选择。另外，我地仲叫咗两碟鸡翼，一碟系蜜酿鸡翼，一碟系樱花虾鸡翼。先讲蜜酿鸡翼，甜得来唔系死甜，又唔会太淡，岩岩好。樱花虾鸡翼就基于蜜酿鸡翼至上再加樱花虾，味道丰富咗，层次都唔同咗。加上店员都好细心介绍菜单，有心有水准嘅家庭式小店的确要支持。