聚椒

营业中

休息中

男友一向都好钟意食中式嘅烧烤，不过香港比较少见，通常都要返大陆先有得食，但系呢排工作比较忙，所以都唔得闲返大陆食~ 于是我Openrice 揾咗呢间近近地又有啲好评嘅餐厅，试下睇吓止唔止到瘾~ 我哋两个人平日大约七点到餐厅，已经坐咗最后一张枱，餐厅真系名副其实嘅’小’店，所以我哋见大部份人都系叫外卖拎走食，如果同朋友嚟食嘅话一定要book定位，如果唔系好大机会冇位，所以我哋今日都算好彩餐厅味道同形式都同我哋大陆食到嘅好接近，都系有块铁板热着啲串烧，俾你一路倾偈一路慢慢食~ 其中爆蒜肥蚝系必食~ 蚝肉肥大兼热辣辣，鲜甜多汁劲正花甲粉都好多鲜甜嘅蚬肉，值得一试其他食物都好有水准，总括嚟讲系一间好有心嘅小店，成功止到我哋两个嘅串烧瘾