和田便當 (已結業)

因为一场世纪疫情，多咗人习惯买外卖医肚，而少左喺餐厅dine in。作为一个打工仔，平日喺写字楼区买外卖对我哋来讲其实系一个最大嘅挑战：首先，好多时候买外卖都要排长龙，净系等啲食物准备好、煮好，都要唔少时间。另一个挑战，就系啲餐具、胶袋、饭盒等等都用好多塑胶，实在太唔环保啦！咁啱今日经开金钟海富中心，见到呢一间叫做和田便当嘅自动贩卖机中心，俾佢嘅自动贩卖机吸引咗，就入去一探究竟。呢一间便当自动贩卖机舖头可以话系解决咗我头先所讲嘅两个concern，因为全自动嘅关系，大家选好饭之后好快就可以买，省却唔少等待制作个时间！另外，便当用嘅餐具、包装物料都唔系塑胶，而系可分解嘅环保纸，起码环保少少！食物味道方面，用嘅米系珍珠米，粒粒分明好烟韧咖哩调得好浓，而且牛肉份量充足！一个大男人食都会够！