Non Kitchen

营业中

休息中

今日系观塘收工，口痕又想嚟番Non Kitchen食个晚餐，依旧欣赏餐厅处理每款食材都好有心思。餐包每次都好钟意食呢个黑松露牛油，配埋自家制面包真系一流。藜麦红菜头杂菜沙律藜麦配埋红菜头，fresh得嚟又充满纤维。南瓜汤南瓜汤味道鲜甜浓郁。意大利辣肉肠薄饼上面铺满火箭叶，拎起一片薄饼仲有少少拉丝，薄饼咬落松脆爽口，非常出色。炭烧安格斯西冷牛扒外层呈网状，切开七成熟既牛扒，入面色泽粉嫩，充满肉汁，仲食到啖啖炭烧既香味，每次食都一定会叫呢个扒。意大利手工雪糕甜品系手工制雪糕，有三层不同既味道，食到中间仲会有啲果肉既口感，每一层都充满惊喜。蔓越莓汁跟餐加$10有三款果汁拣，分别系橙汁，苹果汁同埋蔓越莓汁。果汁比想像中大杯，亦够哂冰冻。冻柠茶糖浆无落得过重，甜同涩都刚刚好。