Say Hi Bar & Dining (士丹利街) (已結業)

中环食西餐其实真系有好多选择，但系我自己就比较钟意去呢一间食。佢lunch time嘅餐系百零蚊左右，有汤有蒜蓉包有个主菜同埋有杯嘢饮。呢个价钱系中环黎讲系偏平，最重要系佢食物质素好，而且间餐厅都好开阳仲有户外枱，而枱与枱之间又唔会话太迫。𠮶日就试咗个鸡卷，净系睇个摆盘都觉得吸引。佢啲鸡整得好嫩，而且配搭无花果同埋其他蔬菜感觉都好健康。佢个南瓜汤都好浓，蒜蓉包都系焗到好脆先上枱。而且佢啲嘢饮都多选择，可以拣下水果茶𠮶啲。