飼說 (已結業)

朋友约左心仪女神迟下食饭，今日同佢出开铜锣湾，讲笑咁话不如实地考察下食咩餐厅啦。唔记得几时系IG听过饲说呢间餐厅，去到门口觉得可以一战，就试左呢间餐厅既第一次。坦白讲我地叫得唔多野食，叫左个蟹肉红菜头牛油果意大利饭(睇相)。本身我就好钟意食牛油果既，咁样配搭第一次试，但味道真心唔错。你见佢个样整得系有心思既，唔只我啦我谂边个女仔都应该会好钟意挂。你自己见到啲野食个样靓靓仔仔你都开胃啲啦。另一碟野食系开心果酱菠菜蝴蝶粉。朋友就好钟意呢个，见佢蝴蝶粉颜色整到咁靓，味道上配合得亦几好，睇得出有放到心机落去。不过我自己都系钟意个饭多啲，因为真系中哂我口味。另外有跟埋野饮、汤同前菜既。未到话到极好食但系绝对OK，不过都系放到靓一靓咁。睇得出呢间餐厅菜色设计同布局上都花左好多心思、而且系餐厅自己谂出黎，唔系左抄右抄啲文青feel野扮哂特别其实冇乜特别既餐厅。我自己对呢啲有Heart有Design既既餐厅就好Impress既，我就唔知我frd个女神会点睇呢间餐厅喇，不过我谂知道个男仔有放心机落去个dating到都会开心挂。