Homeland (東昌街) (已結業)

难得嚟都大埔，朋友介绍一间新派意大利餐厅，餐厅位置近住东昌体育馆，泊车十分方便和便宜，真系一个街头一个街尾；餐厅门面都比较吸引，虽然位于一座旧式唐楼，但布置亦都好有心思；刚好客人十分之多，所以服务员带我哋上阁楼，个阁楼亦都好宽敞，有好劲嘅音乐，坐得十分舒适！咁就简单地点咗两个套餐！再加一个小食。其中包括墨西哥薄饼，安格斯牛扒，龙虾汤和三文鱼沙律，小食就拣咗个田螺加薯蓉；饮品方面我就选咗个passion fruit mujuto，朋友就试咗个honeymoon嘅手工啤! 热情果mujuto做得唔错，好香热情果味再加上薄荷同青柠，虽然冇vodka 但系都做得好清新；而手工啤酒真系好香荔枝蜜糖味！两款饮品都值得一赞，用嚟送田螺薯蓉真系绝配！呢个龙虾汤真系好香浓虾味，饮得出系用龙虾头淆制而成嘅，而三文鱼沙律就不过不失；安格斯牛扒五成熟，熟度刚刚，好肉质亦都算淋滑，啲配菜做得好出色；墨西哥薄饼有两种dippings，食落松脆开胃，好有墨西哥嘅风味，做得出色! 整体嚟讲系一间好出色嘅餐厅！