Comma Cafe

营业中

休息中

今日行开登打士街，咁我自己去扫楼想揾下一啲新口味。 见到呢一间Comma cafe 系新开，咁就上去睇下咩状况， 入面装修我觉得都几典雅而且都几cute, 有我最钟意嘅水晶灯 ,室内嘅设计亦都几简洁， 其实佢嘅装修我觉得系靓嘅都几适合去打下卡。特制番茄汁肠仔蛋包饭: 蛋包饭包得几靓而且入面有我钟意食嘅炒饭，系茄汁炒饭里面有D豆同粟米，香肠整到好似八爪鱼嘅形状都好有心思，另外佢特制嘅蕃茄汁我觉得𠮶种味道偏酸甜，唔似其他餐厅咁行货， 钟意蛋包饭的朋友可以试下，佢包蛋包𠮶皮包得都唔错几实。Avarum: 荔枝玫瑰乳酸梳打， 酸酸甜甜而随著冰嘅溶化，可以沟淡咗D甜味去另外一种味道层次，不过我要重点提一下，杯梳打饮落去几有玫瑰花香，而且卖相都几靓，适合女士饮用。最后一个大家行开旺角，大家可以去试下呢间餐厅，因为我觉得呢间餐厅都几特别，而且佢制作啲食物及饮品都几用心， 可以一试。