新竹源越南餐廳

营业中

休息中

今日去开湾仔赶时间，见这间餐厅入面坐得都算舒服，就入左去食，餐牌的选择都多，店员都主动推介左几种越式名菜，包括越式三捞檬、法式肝酱猪颈肉三文治，咁系店员推介下我同朋友叫左个相对冇咁干的新竹源火车头（二人份）、腍肉米纸卷同埋法式牛油鸡翼，朋友仲叫左杯滴漏咖啡。我同朋友都觉得火车头最值得叫，河粉多，虽然有啲碎，𩠌的份量好足料，重点系汤底食唔出好多味精，饮落系鲜甜的；个米纸卷就酸酸地，唔算好辣，绝对系开胃之选；而滴漏咖啡虽然唔系好有茶味，但唔会太甜，炼奶的份量啱啱好；不过个鸡翼就比较失色，虽然唔会太肥腻，但食得出冇乜鸡味，而且牛油味都唔重。